Downloads
Overview Search Downloads Submit file Up
Category: Orders
Page 5 of 436
Order by: Default | Name | Date | Hits | [Descending]
Orders Files: 1307
Orders of Kerala Electricity Ombudsman  in pdf format
Files:
P/068/2024, ശ്രീമതി.സുകുമാരി.പി

Download 
Download
കൃഷ്‌ണപുരം ഇലക്ട്രിക് സെക്ഷന്റെ കീഴിൽ പുതുപ്പള്ളിയിൽ ഒരു ധാന്യ മിൽ പ്രവർത്തിപ്പിക്കുന്നതിന് വേണ്ടി നൽകിയിട്ടുള്ള Consumer No . 1145683009846 എന്ന കണക്ഷൻ ശ്രീ. വാസുദേവൻ ഉണ്ണിത്താൻ എന്നയാളുടെ പേരിലാണ്. ഈ വസ്തുവിന്റെയും അതിൽ സ്ഥിതി ചെയ്യുന്ന മില്ലിന്റെയും ഇപ്പോഴത്തെ അവകാശി ശ്രീമതി. സുകുമാരി.പി, ഹരിവിലാസം, പുതുപ്പള്ളി എന്ന വ്യക്തിയാണ്. 1992 ൽ ശ്രീമാൻ. വാസുദേവൻ ഉണ്ണിത്താൻ വിലയാധാരമായാണ് പരാതിക്കാരിയ്ക്ക് നൽകിയത്. അതിനു ശേഷം പരാതിക്കാരിയാണ് വസ്തുവിനും കെട്ടിടത്തിനും കരം ഒടുക്കിവരുന്നത്. വിലയാധാരത്തിന്റെയും കരം ഒടുക്കു രസീതിന്റെയും പകർപ്പുകൾ നൽകിയത് പരിശോധിച്ചതിൽ നിന്നും ഇത് വ്യക്തമാകുന്നു. പ്രസ്തുത സർവീസ് കണക്ഷന്റെ മീറ്റർ റീഡിംഗ് 01/03/2023 ലും 0`1/04/2023 ലും 2/05/2023 ലും എടുക്കുകയും അതിനനുസരിച്ച് നൽകിയ ബില്ല് പ്രകാരം പരാതിക്കാരി തുക ലൈസൻസിയുടെ ഓഫീസിൽ അടയ്ക്കുകയും ചെയ്തു. Door Lock എന്ന കാരണം കാണിച്ച് 02/05/2023 ലെ റീഡിംഗിനു ശേഷം പിന്നെ റീഡിംഗ് എടുത്തത് 11/01/2024 ൽ മാത്രമാണ്. അപ്പോൾ ഉയർന്ന'ഉപഭോഗം അതായത് 13483 യൂണിറ്റ് മീറ്റർ രേഖപ്പെടുത്തിയതിൻ പ്രകാരം 88,309/- രൂപയുടെ ബിൽ നൽകുകയുണ്ടായി. പ്രവർത്തനമില്ലാതെ അടഞ്ഞുകിടക്കുന്ന സ്ഥാപനത്തിൽ ഇത്രയും ഉപഭോഗം ഉണ്ടാകാൻ സാധ്യതയില്ല എന്ന പരാതിക്കാരിയുടെ നിവേദനത്തിന്റെ അടിസ്ഥാനത്തിൽ മീറ്റർ പരിശോധിക്കുകയും, മീറ്റർ പ്രവർത്തനക്ഷമമാണെന്ന് Licensee ഉറപ്പിക്കുകയും ചെയ്‌തു. പരാതിയ്ക്ക് പരിഹാരം ഉണ്ടാകാത്തതിനാൽ CGRF ൽ പരാതി നൽകുകയും CGRF നടപടികൾ പൂർത്തിയാക്കി 03/09/2024 ൽ ഉത്തരവിറക്കുകയും ചെയ്തു. പ്രസ്തുത ഉത്തരവിന്റെ അപ്പീലായിട്ടാണ് ഈ പരാതി ഓംബുഡ്‌സ്മാൻ സമക്ഷം സമർപ്പിച്ചിരിക്കുന്നത്.
P/069/2024, ശ്രീ.അബ്ദുൾ കരിം സഹറുദ്ദീൻ P.M.

Download 
Download
പരാതിക്കാരനായ ശ്രീമാൻ. അബ്ദുൾ കരീം സഹറുദീന് ഇടപ്പള്ളിയിൽ സർവ്വേ നമ്പർ 39/14 ൽ ഏകദേശം 10.5 cent വസ്തുവും ഒരു പഴയവീടും സ്വന്തമായിട്ടുണ്ട്. ഈ സ്ഥലത്തിന്റെ മുൻവശത്തുകൂടിയാണ് ഇടപ്പള്ളി - ചേരാനല്ലൂർ റോഡ് കടന്നു പോകുന്നത്. ഇദ്ദേഹത്തിന് ഇടപ്പള്ളി ഇലക്ട്രിക് സെക്ഷന്റെ കീഴിൽ ഒരു ഗാർഹിക കണക്ഷനും നിലവിലുണ്ട്. ഇദ്ദേഹത്തിന്റെ പുരയിടത്തിന്റെ മുൻവശത്തായി റോഡ്‌സൈഡിൽ ഒരു two pole structure, 315 kv transformer , RMU എന്നിവ സ്ഥിതിചെയ്യുന്നു. എതിർകക്ഷിയുടെ രേഖകൾ പ്രകാരം ഈ transformer ഉം structure ഉം സ്ഥാപിച്ചിരിക്കുന്നത് 01/04/1957 ൽ എന്ന് അവകാശപ്പെടുന്നു. ഈ സ്ഥലത്ത് പുതുതായി കെട്ടിടം നിർമ്മിക്കുമ്പോൾ road front വളരെ കുറവായി വരുന്നതിനാൽ ഇവ പ്രസ്തുത സ്ഥലത്തിന്റെ ഒരു മൂലയിലേയ്ക്ക് മാറ്റി തടസ്സം ഒഴിവാക്കണമെന്നതാണ് ആവശ്യം. ലൈസൻസി അടങ്കൽ തുക നിർണ്ണയിക്കുകയും ആ തുകയായ 14,73,976/- രൂപ അടയ്‌ക്കേണ്ടതുണ്ട് എന്ന് പരാതിക്കാരനെ അറിയിക്കുകയും ചെയ്തു. ഇത്രയും ഭീമമായ തുക ചെലവാക്കാൻ കഴിയില്ല എന്നും ലൈസൻസിയുടെ ഫണ്ട് വഴി ഇത് നടത്തികൊടുക്കണമെന്നുമാണ് പരാതിക്കാരന്റെ ആവശ്യം. ഈ ആവശ്യം ഉന്നയിച്ച് CGRF(CZ) ൽ പരാതി സമർപ്പിക്കുകയും, CGRF നടപടികൾ പൂർത്തിയാക്കി 24/09/2024 ൽ ഉത്തരവിറക്കുകയും ചെയ്തു. ആ ഉത്തരവിന്റെ അപ്പീലായിട്ടാണ് ഈ പരാതി നൽകിയിട്ടുള്ളത്.
P/082/2024, ശ്രീ.റിയാസ്.ഇ.ആർ

Download 
Download
തിരുവനന്തപുരം ജില്ലയിലെ കണിയാപുരം മുസ്ലിം ഹൈസ്കൂളിൽ പഴയ കെട്ടിടത്തിൽ നിന്നും മീറ്റർ പുതിയ കെട്ടിടത്തിലേയ്ക്ക് മാറ്റി സ്ഥാപിച്ചത് സംബന്ധിച്ചാണ് പരാതി. പരാതിക്കാരൻ ഉപഭോക്താവോ ഉപഭോക്താവിന്റെ പ്രതിനിധിയോ അല്ല. അവിടെ രണ്ട് സ്കൂൾ നിലവിലുണ്ട്. ഒന്ന് കണിയാപുരം മുസ്ലിം ഹൈസ്കൂൾ (Boys), രണ്ട് കണിയാപുരം മുസ്ലിം ഹയർസെക്കന്ററി സ്കൂൾ (Girls). Boys high school - ന്റെ തലവൻ Headmaster ഉം Girls Higher Secondary School - ന്റെ തലവൻ principal ഉം ആണ്. യഥാക്രമം Headmaster ഉം Principal ഉം ആണ് ഉപഭോക്താക്കൾ. വളരെ പഴകിയ കെട്ടിടങ്ങളിൽ സ്ഥിതിചെയ്തിരുന്ന മീറ്റർ പുതിയതായി നിർമ്മിച്ച ബഹുനില കോൺക്രീറ്റ് കെട്ടിടങ്ങളിലേയ്ക്ക് മാറ്റി സ്ഥാപിച്ചതിനെക്കുറിച്ചാണ് പരാതി സമർപ്പിച്ചിരിക്കുന്നത്. സുരക്ഷിതമല്ലാത്ത പുതിയ കെട്ടിടത്തിലേയ്ക്ക് കണക്ഷൻ മാറ്റിസ്ഥാപിച്ചതിനെക്കുറിച്ചാണ് ആക്ഷേപം ഉന്നയിച്ചിരിക്കുന്നത് .കെട്ടിടങ്ങൾ സുരക്ഷിതമല്ല എന്നാരോപിച്ചിരിക്കുന്നതിനാൽ കണിയാപുരം ഇലക്ട്രിക്കൽ ഡിവിഷൻ AEE യുടേയും കണിയാപുരം ഇലക്ട്രിക്കൽ സെക്ഷൻ AE യുടേയും സാന്നിധ്യത്തിൽ സ്ഥല പരിശോധന നടത്തുകയുണ്ടായി. പുതിയതായി മീറ്റർ സ്ഥാപിച്ചിരിക്കുന്ന ബഹുനില കോൺക്രീറ്റ് കെട്ടിടങ്ങൾ സുരക്ഷിതമാണെന്ന് ബോധ്യപ്പെട്ടു. കൂടാതെ അവിടെ സ്ഥാപിച്ചിട്ടുള്ള distribution Board - ൽ ELCB പോലുള്ള സുരക്ഷാ സംവിധാനങ്ങൾ സ്ഥാപിച്ചിരിക്കുന്നതായും കണ്ടു. മുൻപ് മീറ്റർ സ്ഥാപിച്ചിരുന്ന ഒരു കെട്ടിടം ഇടിഞ്ഞു വീണിട്ടുള്ളതായും മറ്റേ കെട്ടിടത്തിലേയ്ക്ക് വന്നിരുന്ന സർവീസ് വയർ സുരക്ഷിതമല്ലാതിരുന്നതായും കാണുകയുണ്ടായി. ഇപ്പോഴുള്ള രണ്ട് കണക്ഷനുകളും രണ്ട് പോസ്റ്റുകളിൽ നിന്നും OH കേബിളുകളിലൂടെ വലിച്ചിരിക്കുന്ന 3 ഫേസ് ലൈനുകളാണ്. പരാതിക്കാരൻ ഉപഭോക്താവോ, ഉപഭോക്താവിന്റെ പ്രതിനിധിയോ അല്ല എന്നും മാത്രമല്ല ആ വിദ്യാലയത്തിലെ സർക്കാർ ശമ്പളം കൈപ്പറ്റുന്ന ഒരു ഉദ്യോഗസ്ഥനാണ്. ഈ സ്കൂളിന്റെ ഉടമസ്ഥാവകാശത്തെപ്പറ്റിയുള്ള കോടതി വ്യവഹാരങ്ങളിലൂടെ ഓരോ കുടുംബക്കാർക്കും നിശ്ചിത കാലയളവിൽ ഇതിന്റെ നടത്തിപ്പവകാശം പങ്കുവയ്ക്കപ്പെടുന്നു. നാലോ അഞ്ചോ കുടുംബക്കാരാണ് ഇങ്ങനെ ഉടമസ്ഥാവകാശം പങ്കുവയ്ക്കപ്പെടുന്നത്. ഇതിൽ ഓരോ കുടുംബക്കാരനിൽ നിന്നും അവർ തീരുമാനിക്കുന്ന ഒരു വ്യക്തിയായിരിക്കും ആ കാലയളവിൽ അതിന്റെ മാനേജർ സ്ഥാനം വഹിക്കുന്നത്. ഇവിടെ പരാതിക്കാരൻ ഒരു സർക്കാർ ഉദോഗസ്ഥനായിരിക്കുന്നതിനാൽ തന്നെ റിട്ടയറാകുന്നതുവരെ ഇതിന്റെ മാനേജർ പദവി കൈകാര്യം ചെയ്യാൻ കഴിയാത്തതിനാൽ തന്നെ ഇതിന്റെ നടത്തിപ്പുക്കാരനായി കണക്കാക്കാനും കഴിയില്ല.
Back

Contact Us

KERALA ELECTRICITY OMBUDSMAN
D.H. Road & Foreshore Road Junction,
Near Gandhi Square,
Ernakulam, Kerala-682 016
Ph: 0484 2346488, Mob: 8714356488

Any Queries?

Send an email to info@keralaeo.org

Do you Know?

Consumers should submit  petitions to CGRF first before appealing Ombudsman.

Visitors Counter

mod_vvisit_counterToday3328
mod_vvisit_counterAll5774881